BLOG

Në vitin 2010, Oatly, kompania suedeze që prodhon qumësht tërshëre, përballej me një sfidë të madhe: edhe pse produkti i saj ishte vegan, pa laktozë dhe një alternativë e shëndetshme për konsumatorët, ai nuk ishte duke arritur nivelin e njohshmërisë që firma dëshironte. Kjo e detyroi markën të rimendojë dhe ristrukturojë gjithë strategjinë e saj të marketingut dhe identitetin e vetë. 

Një nga lëvizjet më të guximshme të Oatly ishte transformimi i paketimit të produkteve. Çdo paketë qumështi u shndërrua nga një objekt i thjeshtë për produktin në një mjet komunikimi të drejtpërdrejtë me konsumatorët. Disa prej mesazheve të përdorura në paketimet e Oatly përfshinin shprehje humoristike si:

• “Wow no cow!”
• “It’s like milk, but made for humans”
• “We promise to be a great company or at least a company that tries to be great”
• “No dairy. No soy. No… eh, whatever”
• “Keep Refrigerated. Don’t mind us. We’re just chilling.”

Këto mesazhe nuk ishin vetëm argëtuese, por gjithashtu ofronin mënyra të reja për të komunikuar vlerat e markës. Ato përmbanin qasje të drejtpërdrejtë, autentike dhe të sinqertë, duke i dhënë mundësi konsumatorëve të lidheshin me markën jo vetëm për produktin që ajo ofronte, por edhe për personalitetin dhe angazhimin e saj ndaj stilit të shëndetshëm të jetesës. Çdo element i paketimit e bëri Oatly-n të dallojë nga konkurentët dhe të krijonte lidhje të fortë me konsumatorët që kërkonin produkte autentike, ndryshe nga ato tradicionale.

Një nga fushatat më të suksesshme që Oatly nisi ishte ajo e vitit 2019, në Suedi, e cila inkurajonte njerëzit të kalonin nga qumështi i kafshëve në alternativat bimore. Kjo fushatë përdori kombinimin e reklamave tradicionale me përdorimin e medias sociale dhe billboard-eve për të arritur audiencën. Oatly shfrytëzoi fuqinë e mesazheve të thjeshta dhe të drejtpërdrejta, duke përdorur humorin dhe kreativitetin si mjete për të kaluar mesazhin. 

Kjo fushatë pati ndikim të madh në perceptimin e konsumatorëve. Deri në vitin 2020, 36% e suedezëve po konsideronin kalimin te alternativat bimore, një rritje e konsiderueshme që mund të lidhet drejtpërdrejt me marketingun e guximshëm të Oatly. Kjo dëshmoi se Oatly kishte arritur të sillte ndryshim në mënyrën se si konsumatorët shihnin produktet bimore dhe alternativat për qumështin.

Suksesi i marketingut dhe ribrandimit të Oatly u pasua nga një rritje e konsiderueshme financiare. Kompania arriti një vlerë prej më shumë se 2 miliardë dollarësh, duke tërhequr investitorë të njohur si Oprah Winfrey dhe Jay-Z. Ky sukses u pasua nga rritja e besueshmërisë dhe njohshmërisë së markës, duke i mundësuar Oatly forcimin e pozitave në treg dhe rritjen e investimeve të saj.

Një tjetër moment unik dhe që i dha markës një dimension tjetër ishte përfshirja e CEO-së, Toni Petersson, në reklama dhe performanca live. Në vitin 2020, ai performoi një këngë origjinale, duke kënduar për avantazhet e qumështit tërshëre në një reklamë televizive, një qasje që është shumë ndryshe nga ajo që shohim zakonisht nga liderët e kompanive. Ky angazhim i drejtpërdrejtë dhe kreativ përfaqësoi angazhimin e markës për transparencë dhe guxim, dhe i dha dimension të fuqishëm personal markës Oatly.

Një prej elementëve më të rëndësishëm të marketingut të Oatly ka qenë angazhimi i drejtpërdrejtë dhe i vazhdueshëm me konsumatorët. Oatly është shumë aktiv në rrjetet sociale, duke ju ofruar mundësi të drejtpërdrejtë ndjekësve që të lidhen me markën. Kjo ka bërë që marka të krijojë një komunitet të besueshëm dhe të angazhuar, i cili e sheh Oatly-n jo vetëm si markë, por si pjesë të stilit të jetesës dhe të filozofisë së saj.

Ribrandimi dhe strategjitë e marketingut të Oatly janë shembull se si mund të përdoren kreativiteti dhe guximi për të ndërtuar marka të fuqishme që rezonojnë me konsumatorët. Përdorimi i mesazheve të drejtpërdrejta, përfshirja e liderëve të kompanisë dhe angazhimi i konsumatorëve përmes mediave sociale janë elementë që kanë ndihmuar Oatly të krijojë një lidhje të fortë dhe autentike me audiencën. Ky rast tregon se, në një treg konkurrues, kreativiteti dhe angazhimi i drejtpërdrejtë janë çelësat për të tërhequr vëmendjen dhe për të krijuar një markë që jo vetëm konkurron, por gjithashtu çon në sukses të qëndrueshëm dhe të fuqishëm.