Legjenda është e vërtetë.
Tradita shqiptare e muzikës rijetësohet në muret e Rozafës mistike, por tashmë me një prekje moderne. TuBa Fest – një shkrirje e muzikës rock, pop dhe tekno solli në kalanë e Shkodrës disa prej zërave dhe performuesve më të njohur shqiptarë si Elita 5, Aleksandër Gjoka, Alban Skënderaj, Shpat Deda, Offchestra, Ad Disha, Fanatek dhe Rea.
Zanafilla
Shtatori shënoi edicionin e parë të TUBA Fest me synimin për t’u kthyer në një festë të përvitshme për qytetin dhe të apasionuarit e muzikës. Por çfarë simbolizon TUBA? Në dialekt ‘tu ba’ (duke bërë) nënkupton një ‘aktivitet’ – në këtë rast duke shijuar muzikë të mirë dhe duke kërcyer në një ambient magjik, si kalaja. Jo pa qëllim, TUBA zgjodhi Shkodrën, djepin e kulturës, muzikës, humorit dhe qejfit.
Rrugëtimi
2 netë, 20 artista, mbi 4.000 pjesëmarrës. Siç e do zakoni, TuBa hapi dyert për miqtë jashtë kufijve. Grupi italian Rockify Band ngjiti muret e kalasë së Shkodrës për të na surprizuar. Bashkë me ta pjesëmarrës nga Kosova, Maqedonia, Mali i Zi ju bashkuan festës.
TuBa do të rikthehet përsëri ndaj dëshirojmë t’ju kemi përkrah në këtë rrugëtim të ri drejt muzikës, modernes, mistikes.
