by adminBalenciaga: Fushata skandaloze me fëmijë
Në vitin 2022, Balenciaga, marka e njohur dhe me ndikim të madh në industrinë e modës, u përball me një skandal të madh për shkak të fushatës reklamuese që seksualizonte fëmijët. Fushata përfshinte imazhe të fëmijëve të vegjël që mbajnë arusha pel;ushi të veshura me veshje dhe aksesorë BDSM, një praktikë që lidhet me dominimin, nënshtrimin dhe sadizmin në marrëdhëniet intimet. Përmbajtja e fushatës shkaktoi menjëherë reagime të ashpra dhe shqetësim të madh për etikën e saj.
Në një kohë kur marka po përpiqej të theksonte kreativitetin e saj, ajo nuk mori parasysh reagimet që mund të shkaktonte kjo lloj përmbajtjeje dhe se si mund të interpretohej nga audienca. Përdorimi i imazheve kaq kontroversiale u kthye në krizë reputacioni për markën, duke i dhënë zë një shkalle të madhe reagimesh. Me të drejtë.
Reagimet ndaj fushatës ishin të menjëhershme dhe të fuqishme. Shumë figura publike dhe të famshme që kishin mbështetur markën, si Bella Hadid dhe Alexa Demie, filluan të distancoheshin nga Balenciaga, duke fshirë postimet që kishin bërë për markën dhe duke shpërndarë deklarata kundër. Kim Kardashian, një nga ambasadoret më të mëdhaja të Balenciaga, gjithashtu tha se po e rishikonte marrëdhënien e saj me markën.
Dëmet financiare ishin të mëdha. Balenciaga humbi 100,000 ndjekës në Instagram dhe pati humbje që mund të kalonte 1 miliard dollarë. Kjo ishte kujtesë se, pavarësisht se sa e madhe mund të jetë marka, gabimet në marketing mund të kenë pasoja shkatërruese.
Për të menaxhuar krizën dhe për të rikuperuar reputacionin e dëmtuar, Balenciaga hoqi menjëherë reklamën nga platformat dhe publikoi kërkesë faljeje përmes një deklarate zyrtare. Ata pranuan përgjegjësinë për përmbajtjen dhe shpjeguan se qëllimi nuk kishte qenë të shkaktonte skandale. Pavarësisht përpjekjeve për të sqaruar situatën, dëmi kishte ndodhur dhe shumë njerëz e konsideruan faljen të vonuar dhe të pamjaftueshme. Kjo tregon se, kur ndodhin gabime të tilla, fjalët nuk mund të kthejnë menjëherë besimin që është humbur.
Skandali i Balenciaga është shembull i fuqishëm se si fushatat provokuese, mund të kthehen në kriza të mëdha nëse nuk janë të menduara mirë dhe nuk respektojnë etikat bazë. Fushatat që përfshijnë tema të ndjeshme duhet të trajtohen me kujdes të jashtëzakonshëm, duke pasur parasysh ndikimin që mund të kenë ato mbi audiencën. Në epokën e informacionit çdo reagim mund të dëmtojë imazhin e markës, çdo vendim marketingu duhet të merret me përgjegjshmëri të lartë.